MÜRACİƏT GÖNDƏR

Avropa İttifaqı ölkələrinə ixrac olunan yeyinti məhsullarına keyfiyyət sertifikatının verilməsi

Dövlət orqanı :

Azərbaycan Respublikasının İqtisadiyyat Nazirliyi

Xidmətin məzmunu :

Bu xidmət Azərbaycan Respublikasından Avropa İttifaqı ölkələrinə ixrac olunan yeyinti məhsullarının keyfiyyətini və təhlükəsizliyini təsdiq edən sertifikatının verilməsini əhatə edir.

Xidmətin aid olduğu təsnifat :

Sahibkarlıq və biznes fəaliyyəti

Xidməti həyata keçirən dövlət orqanının və (və ya) onun struktur bölməsinin adı :

Azərbaycan Respublikasının İqtisadiyyat Nazirliyi
Azərbaycan Respublikasının İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti

Xidmətin icrasında iştirak edən dövlət orqanının və (və ya) onun struktur bölməsinin adı :

"İstehlak Mallarının Ekspertizası Mərkəzi" MMC

Xidmətin hüquqi əsası :

-“Yeyinti məhsulları haqqında” Azərbaycan Respublikası Qanununun 6-cı maddəsi;

- “Lisenziyalar və icazələr haqqında” Azərbaycan Respublikasının Qanunu;

- “Lisenziyalar və icazələr haqqında” Azərbaycan Respublikası Qanununa 3 nömrəli əlavə - “Sahibkarlıq fəaliyyətinə verilən icazələrin siyahısı”nın 71-ci bəndi;

-“Dövlət rüsumu haqqında” Azərbaycan Respublikasının Qanununun 30.1.4-cü maddəsi;

-“Yeyinti məhsulları haqqında” Azərbaycan Respublikası Qanununun tətbiq edilməsi ilə bağlı əlavə tədbirlər barədə” Azərbaycan Respublikası Prezidentinin 2003-cü il 23 oktyabr tarixli 969 nömrəli Fərmanının 1-ci hissəsi;

- Azərbaycan Respublikası Prezidentinin 2016-cı il 28 aprel tarixli, 888 nömrəli Fərmanı ilə təsdiq edilmiş “Azərbaycan Respublikasının İqtisadiyyat Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti haqqında Əsasnamə”nin 3.0.48-ci yarımbəndi;

- Azərbaycan Respublikası Nazirlər Kabinetinin 2005-ci il 13 iyul tarixli 135 nömrəli Qərarı ilə təsdiq edilmiş “Avropa İttifaqı ölkələrinə yeyinti məhsullarının ixracı zamanı keyfiyyət sertifikatlarının verilməsi Qaydası”;

-Azərbaycan Respublikası İqtisadi İnkişaf Nazirliyinin kollegiyasının 2012-ci il 30 iyul tarixli, 04 nömrəli Qərarı ilə təsdiq edilmiş "İxrac olunan yeyinti məhsullarının keyfiyyətini və təhlükəsizliyini təsdiq edən keyfiyyət sertifikatının verilməsi üçün müraciətin və sənədlərin qəbulu haqqında inzibati reqlament";

-Azərbaycan Respublikası Tarif (qiymət) Şurasının "İstehlak Mallarının Ekspertizası Mərkəzi” MMC tərəfindən göstərilən xidmətlərin tariflərinin tənzimlənməsi barədə" 2015-ci il 28 oktyabr tarixli 11 nömrəli Qərarı.

Xidmətin həyata keçirilmə formaları :

Elektron müraciət və nəticənin ənənəvi məlumat daşıyıcısında təqdim olunması

Xidmətin həyata keçirilməsi və nəticəsi proseduru barədə məlumatlandırma forması :

E-poçt vasitəsilə məlumatlandırma
Faks vasitəsilə məlumatlandırma
Poçt xidməti vasitəsilə məlumatlandırma
Telefon vasitəsilə məlumatlandırma
Veb sayt vasitəsilə məlumatlandırma

Xidmətin həyata keçirilməsinin nəticəsi :

Azərbaycan Respublikasından Avropa İttifaqı ölkələrinə ixrac olunan yeyinti məhsullarına keyfiyyət sertifikatının verilməsi

Xidmət istifadəçisi barədə məlumat :

Xidmətin həyata keçirilməsi müddəti, Dövlət rüsumu, Xidmət haqqı, Ödənişin hüquqi əsası :

Müddət (Məbləğ) :

3 iş günü

Ödənişsiz :

Rüsum :

20 AZN

Xidmət haqqı :

Xidmət haqqı yoxdur

Ödənişlə bağlı qeyd :

AZƏRBAYCAN RESPUBLİKASININ TARİF (QİYMƏT) ŞURASI

QƏRAR №11

Bakı şəhəri, 28 oktyabr 2015-ci il

“İstehlak Mallarının Ekspertizası Mərkəzi” MMC tərəfindən göstərilən xidmətlərin tariflərinin tənzimlənməsi barədə

Azərbaycan Respublikası Prezidentinin 2005-ci il 26 dekabr tarixli 341 nömrəli Fərmanı ilə təsdiq edilmiş “Azərbaycan Respublikasının Tarif (qiymət) Şurası haqqında Əsasnamə”yə, Azərbaycan Respublikası Nazirlər Kabinetinin 2005-ci il 30 dekabr tarixli 247 nömrəli Qərarı ilə təsdiq edilmiş “Dövlət tənzimlənməsi tətbiq olunan tariflərin (qiymətlərin) formalaşması və tətbiqi üzərində dövlət nəzarətinin təmin edilməsi Qaydaları”na uyğun olaraq və “İstehlak Mallarının Ekspertizası Mərkəzi” MMC-nin müraciətini nəzərə alaraq Azərbaycan Respublikasının Tarif (qiymət) Şurası QƏRARA ALIR:

1. “İstehlak Mallarının Ekspertizası Mərkəzi” MMC tərəfindən göstərilən laboratoriya, məsləhət və ekspertiza xidmətlərinin tarifləri aşağıdakı kimi təsdiq edilsin:

№	Xidmətlərin adı	Tariflər (ƏDV ilə, manatla)
I	II	III
1.	Laboratoriya xidmətləri
1.1.	Taxıl və yeyinti məhsullarında göstəricilərin təyini (hər maddə üzrə bir analiz üçün)
1.1.1.	Orqanoleptik	2,0
1.1.2.	Fiziki	4,0
1.1.3.	Kimyəvi	8,0
1.2.	Taxıl və yeyinti məhsullarında toksiki göstəricilərin təyini (bir analiz üçün)
1.2.1.	Ağır metallar (Cu, Zn, Pb, Fe, Ni, Cr, Co, Hg, Cd, As, Sn, Mn) (hər maddə üzrə)	20,0
1.2.2.	Biotoksinlər (DSP, PSP,ASP) (hər maddə üzrə)	25,0
1.2.3.	Nistamin	50,0
1.2.4.	Nitrozaminlər (TVB-N, TMA-N) (hər maddə üzrə)	40,0
1.2.5.	Pestisidlər	60,0
1.2.6.	Mikotoksinlər
1.2.6.1.	Aflatoksin B1, B2, G1, G2, M1, zearalenon, ochratoxin A, dezoksinivalenol, T-2 toksin (hər maddə üzrə)	70,0
1.2.7.	Patulin	70,0
1.2.8.	Benzopiren	50,0
1.2.9.	Dioksinlər	50,0
1.2.10.	Antibiotiklər	40,0
1.2.11.	Nitrat və nitritlər	30,0
1.2.12.	Metanol, sivuş yağları, aldehidlər, mürəkkəb efirlər (hər maddə üzrə)	45,0
1.2.13.	Testesteron, DES, metiltestesteron, progestesteron (hər maddə üzrə)	20,0
1.3.	Taxıl və yeyinti məhsullarında radioloji göstəricilərin (sezium, stronsium) təyini (hər maddə üzrə bir analiz üçün)	50,0
1.4.	Taxıl və yeyinti məhsullarında mikrobioloji göstəricilərin təyini (bir analiz üçün)
1.4.1.	Mezofil aerob və fakültativ anaerob mikroorqanizmlər, süd turşulu mikroorqanizmlər (hər maddə üzrə)	20,0
1.4.2.	BÇBQ (koliforma, kolindeks), proteus, kif və maya göbələkləri, bacillus cereus bakteriyaları, sulfit reduksiyaedici bakteriyalar, kartof çöpləri (hər maddə üzrə)	20,0
1.4.3.	Eneterokokk, P.aeuruginosa, L.monocitogenes, fekal koliform, xloramfenikol (hər maddə üzrə)	20,0
1.4.4.	V.parahaemolytics	25,0
1.4.5.	Staphylococcus aureus	25,0
1.4.6.	Ümumi əsaslı uçucu azot (TVB-N)	25,0
1.4.7.	Patogen mikroorqanizmlər, o cümlədən salmonellalar	30,0
1.4.8.	Sərbəst və ümumi kükürd turşuları	30,0
1.4.9.	Sənaye sterilliyi	40,0
1.4.10.	Sorbin turşusu	60,0
1.4.11.	Bor turşusu	20,0
1.4.12.	Klostridium perfingens	45,0
1.5.	Suda kationların (Li+, Na+, K+, NH4+, Mg2+, Ca2+), anionların (Cl-, P043-, N03-, N02-, SO42-, F-, Br-) təyini (hər qrup maddə üzrə bir analiz üçün)	50,0
2.	Malın mənşə ölkəsinin müəyyən edilməsi üzrə ekspertizanın keçirilməsi xidmətləri
2.1.	Kənd təsərrüfatı məhsulları (çəkiyə görə)
2.1.1.	10 tona qədər	6,0
2.1.2.	10 tondan 50 tona qədər	15,0
2.1.3.	50 tondan 100 tona qədər	20,0
2.1.4.	100 tondan 200 tona qədər	30,0
2.1.5.	200 tondan 500 tona qədər	60,0
2.1.6.	500 tondan yuxarı	120,0
2.2.	Yeyinti məhsulları (çəkiyə görə)
2.2.1.	10 tona qədər	6,0
2.2.2.	10 tondan 50 tona qədər	15,0
2.2.3.	50 tondan 100 tona qədər	20,0
2.2.4.	100 tondan 200 tona qədər	30,0
2.2.5.	200 tondan 500 tona qədər	60,0
2.2.6.	500 tondan yuxarı	120,0
2.3.	Sənaye malları (çəkiyə görə)
2.3.1.	10 tona qədər	15,0
2.3.2.	10 tondan 50 tona qədər	20,0
2.3.3.	50 tondan 100 tona qədər	35,0
2.3.4.	100 tondan 200 tona qədər	60,0
2.3.5.	200 tondan 500 tona qədər	80,0
2.3.6.	500 tondan yuxarı	120,0
2.4.	Kimya sənayesi və neft məhsulları (hər bir ton üçün)	1,0
2.5.	Maşın və avadanlıqlar (dəyərə görə)
2.5.1.	20 min manata qədər	30,0
2.5.2.	20 min manatdan 50 min manata qədər	65,0
2.5.3.	50 min manatdan 75 min manata qədər	100,0
2.5.4.	75 min manatdan 100 min manata qədər	140,0
2.5.5.	100 min manatdan yuxarı	170,0
2.6.	Taxta və meşə materialları (həcmə görə)
2.6.1.	30 m³-ə qədər	105,0
2.6.2.	30 m³-dən 60 m³-ə qədər	140,0
2.6.3.	60 m³-dən yuxarı	170,0
*2.7.*	Xam neft (hər bir sertifikat üçün keçirilən ekspertizaya görə)	2300,0
2.8.	Təbii qaz (1 mln. m³ üçün)	280,0
2.9.	Elektrik enerjisi (1 mln. kVts üçün)	180,0
2.10.	Qara metal (1 ton üçün)	0,03
2.11.	Əlvan metal (1 ton üçün)	1,5
2.12.	Əlvan metal birləşmələri (oksidlər, hidroksidlər, peroksidlər) (1 ton üçün)	0,4
2.13.	İstehsalat və məişət tullantıları (1 ton üçün)	0,7
3.	Müraciət əsasında Avropa İttifaqı ölkələrinə yeyinti məhsullarının ixracı ilə məşğul olan istehsal və emal müəssisələrində qida təhlükəsizliyinin idarə edilməsi sistemlərinin tətbiqi ilə bağlı planların hazırlanması və məsləhət xidmətlərinin göstərilməsi (istehsal və ya emal olunan bir məhsul növü üzrə)	2800,0

2. Azərbaycan Respublikası Tarif (qiymət) Şurasının aşağıdakı qərarları ləğv edilsin:

2.1. “İstehlak Mallarının Ekspertizası Mərkəzi” MMC tərəfindən göstərilən xidmətlərin tariflərinin tənzimlənməsi barədə” Azərbaycan Respublikası Tarif (qiymət) Şurasının 2011-ci il 24 noyabr tarixli 9 nömrəli Qərarı;

2.2. “Azərbaycan Respublikasının İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidmətinin tabeliyində olan İstehlak Mallarının Ekspertizası Bürosu tərəfindən göstərilən xidmətlərin tariflərinin tənzimlənməsi barədə” Azərbaycan Respublikası Tarif (qiymət) Şurasının 24 noyabr 2011-ci il tarixli 9 nömrəli Qərarında dəyişikliklər edilməsi barədə” Azərbaycan Respublikası Tarif (qiymət) Şurasının 2013-cü il 26 aprel tarixli 2 nömrəli Qərarı.

3. Bu qərar 1 noyabr 2015-ci il tarixindən qüvvəyə minir.

Azərbaycan Respublikası

Tarif (qiymət) Şurasının sədri Şahin Mustafayev

Ödənişin hüquqi əsası :

"Dövlət rüsumu haqqında" Azərbaycan Respublikasının Qanununun 30.1.4-cü maddəsi

Rüsumla bağlı əlavə qeyd :

Xidmətin həyata keçirilməsi üçün müraciətlərin qəbulunun vaxtı və müddəti :

Dövr (Rüb, Ay) :
Dövr (1-ci ay, 2-ci ay, 3-cü ay, 1-ci həftə, 2-ci həftə, 3-cü həftə, 4-cü həftə, tək həftələr, cüt həftələr) :
Günlər :	Real vaxt rejimi
İşin başlama vaxtı :	00:00:00
İşin sona çatma vaxtı :	00:00:00
Fasilənin başlama vaxtı :	00:00:00
Fasilənin sona çatma vaxtı :	00:00:00

Xidmətin göstərilmə yeri :

Azərbaycan Respublikasının İqtisadiyyat Nazirliyinin yanında Antiinhisar Siyasəti və İstehlakçıların Hüquqlarının Müdafiəsi Dövlət Xidmətinin inzibati binası

Xidmətin həyata keçirilməsinin dayandırılması və ya ondan imtina edilməsinin hüquqi əsasları :

"Lisenziyalar və icazələr haqqında" Azərbaycan Respublikası Qanununun 20.1-ci maddəsinə əsasən icazənin verilməsindən aşağıdakı hallarda imtina edilir:

- ərizədə və ona əlavə olunmuş sənədlərdə qanuna uyğun olmayan məlumatlar olduqda (ərizədə və ona əlavə edilmiş sənədlərdə aradan qaldırılması mümkün olan və icazənin verilməsindən imtinaya səbəb olmayan çatışmazlıqların aşkar edildiyi hal istisna edilməklə);
- ərizəçi icazə verilməsi şərtlərini yerinə yetirmədikdə.

Azərbaycan Respublikası Nazirlər Kabinetinin 2005-ci il 13 iyul tarixli, 135 nömrəli Qərarı ilə təsdiq edilmiş “Avropa İttifaqı ölkələrinə yeyinti məhsullarının ixracı zamanı keyfiyyət sertifikatlarının verilməsi Qaydası”nın 2.7-ci bəndinə əsasən aşağıda göstərilən şərtlər yerinə yetirilmədikdə sorğunun yerinə yetirilməsindən imtina olunur:
- məhsul təsdiqedici kod nömrəsinə malik olan müəssisə tərəfindən istehsal, emal olunsun və qablaşdırılsın;
- məhsul partiyasına sertifikatın verilməsi üçün ərizənin təqdim edildiyi tarixədək olan 15 (on beş) gün ərzində müəssisədə müvafiq qaydada keçirilən dövri ekspertizalar zamanı əhəmiyyətli çatışmazlıqlar olmasın;
- məhsulun ekspertizasına dair ekspertiza rəyi müsbət olduqda.

Xidmətin həyata keçirilməsi üçün tələb olunan sənədlər və onların təqdimedilmə forması :

Gigiyenik sertifikatı
- Sənədin skan edilmiş surəti

Keyfiyyət sertifikatının alınması üçün ərizə
- Sənədin skan edilmiş surəti

Mənşə sənədi
- Sənədin skan edilmiş surəti

Dövlət rüsumunun ödənilməsi haqqında sənəd
- Sənədin skan edilmiş surəti (bank vasitəsilə ödəmə həyata keçirildikdə) və ya elektron (onlayn ödəmə həyata keçirildikdə)

Uyğunluq sertifikatı
- Sənədin skan edilmiş surəti

İxrac ediləcək məhsula dair hesab-faktura (invoys)
- Sənədin skan edilmiş surəti

İxrac olunan məhsulun növündən asılı olaraq mövcud qanunvericiliyə uyğun verilən baytarlıq şəhadətnaməsi
- Sənədin skan edilmiş surəti

Alqı-satqı müqaviləsi (kontraktı)
- Sənədin skan edilmiş surəti

İxrac olunan məhsulun növündən asılı olaraq mövcud qanunvericiliyə uyğun verilən fitosanitar sertifikatı
- Sənədin skan edilmiş surəti

Ərizəçinin vergi ödəyicisi kimi uçota alınması haqqında şəhadətnamə
- Sənədin skan edilmiş surəti

Ovlanmış heyvanlara müvafiq orqanın icazəsi
- Sənədin skan edilmiş surəti

Ovun qadağan olunmamış müddətdə ovlanması və müəssisəyə daxil olduğu haqda sənəd
- Sənədin skan edilmiş surəti

Avropa Komissiyasının müvafiq direktivləri və şura reqlamentləri ilə müəyyən edilmiş digər sənədlər
- Sənədin skan edilmiş surəti

Ödənilmə üsulları :

Bank vasitəsi ilə
Onlayn ödəmə

Xidmətin həyata keçirilməsi üçün inzibati prosedurlar :

Ərizə forması xidmətin təqdim edildiyi internet ünvanından (https://e-services.economy.gov.az/sertifikatlar/keyfForm.aspx) yüklənərək doldurulur və müvafiq sənədlərin surətləri ilə birlikdə təqdim edilir. Sorğu https://e-services.economy.gov.az/sertifikatlar/keyfForm.aspx internet səhifəsinə daxil olduğu gün qeydiyyata alınır. Sorğunun qəbul edilməsi və sonrakı icrası ilə bağlı istifadəçiyə bildiriş göndərilir. Sorğu qəbul edildikdən sonra Azərbaycan Respublikası Prezidentinin 2003-cü il 27 sentyabr tarixli 935 nömrəli Fərmanı ilə təsdiq edilmiş “Dövlət İcra Hakimiyyəti orqanlarında, idarə, təşkilat və müəssisələrində kargüzarlığın aparılmasına dair Təlimat”a uyğun olaraq qeydiyyata alınır və icra edilməsi üçün Dövlət Xidmətinə göndərilir. Dövlət Xidmətində sorğuya və ona əlavə olunmuş sənədlərə baxılır, Azərbaycan Respublikası Nazirlər Kabinetinin 2005-ci il 13 iyul tarixli, 135 nömrəli Qərarı ilə təsdiq edilmiş “Avropa İttifaqı ölkələrinə yeyinti məhsullarının ixracı zamanı keyfiyyət sertifikatlarının verilməsi Qaydası”nın 2.7-ci bəndində göstərilən şərtlər yerinə yetirilmədikdə sorğunun yerinə yetirilməsindən imtina olunur. Keyfiyyət sertifikatının verilməsindən imtina edildikdə bu barədə istifadəçiyə əsaslandırılmış yazılı məlumat verilir. Sorğuda və ona əlavə edilən sənədlərdə aradan qaldırılması mümkün olan və imtina üçün əsas olmayan çatışmazlıqlar aşkar edildikdə bu barədə ərizəçiyə 1 gündən gec olmayaraq yazılı məlumat verilir. Onlar aradan qaldırıldıqdan sonra istifadəçi təkrar sorğu ilə müraciət edə bilər. Sorğuda və ona əlavə edilən sənədlərdə çatışmazlıqlar aşkar edilmədikdə onlar sertifikat veriləcək məhsulun ekspertizasının keçirilməsi üçün 1 gündən gec olmayaraq “İstehlak Mallarının Ekspertizası Mərkəzi” MMC-yə təqdim olunur. Məhsulun ekspertizası üçün analiz götürülür və ekspertiza aparılır. Ekspertiza nəticəsində tərtib olunan aktın bir nüsxəsi “İstehlak Mallarının Ekspertizası Mərkəzi” MMC-də qalır, bir nüsxəsi istifadəçiyə verilir, digər nüsxəsi isə Dövlət Xidmətinə təqdim olunur. Ekspertizaların nəticələrinə əsasən Dövlət Xidməti tərəfindən istifadəçinin sorğusuna dair müvafiq qərar qəbul edilir. İmtina üçün əsas olmadıqda, keyfiyyət sertifikatının verilməsi haqqında qərar qəbul edilir. Keyfiyyət sertifikatının verilməsi haqqında qərar qəbul edildikdən sonra istifadəçi dövlət rüsumunun ödənildiyini təsdiq edən sənədi təqdim edir. Bundan sonra sertifikat blankı rəsmiləşdirilərək istifadəçiyə birbaşa təqdim olunması və ya poçt rabitəsi vasitəsilə göndərilməsi yolu ilə verilir. İstifadəçi keyfiyyət sertifikatı verilərkən uyğunluq sertifikatın, gigiyenik sertifikatın, alqı-satqı müqaviləsinin (kontraktı), ixrac olunan məhsulun növündən asılı olaraq mövcud qanunvericiliyə uyğun fitosanitar sertifikatı, baytarlıq şəhadətnaməsi, ovlanmış heyvanlara müvafiq orqanın icazəsi və ovun qadağan olunmamış müddətdə ovlanması və müəssisəyə daxil olduğu haqda sənəd, Avropa Komissiyasının müvafiq direktivləri və şura reqlamentləri ilə müəyyən edilmiş digər sənədlərin və ixrac ediləcək məhsula dair hesab-fakturanın (invoys) əslini Dövlət Xidmətinə təqdim edir. Təqdim olunan sənədlərin əsli surəti ilə uyğunluğu müəyyən edildikdən sonra ərizəçiyə qaytarılır.

Xidmətlərdən istifadə zamanı yaranan mübahisələrin məhkəməyəqədər (məhkəmədənkənar) həlli imkanları barədə məlumatlar :

İstifadəçilər keyfiyyət sertifikatının verilməsi barədə qəbul edilmiş qərarlardan və ya vəzifəli şəxslərin hərəkətlərindən "İnzibati icraat haqqında" Azərbaycan Respublikası Qanununun 71-72-ci maddələrinə əsasən yuxarı səlahiyyətli orqana inzibati qaydada şikayət verə bilər. Şikayət ərizəsi “İnzibati icraat haqqında” Azərbaycan Respublikasının Qanununun 74-cü maddəsinə uyğun olmalıdır. Şikayətə “İnzibati icraat haqqında” Azərbaycan Respublikasının Qanununun 78-ci maddəsinə əsasən 1 ay müddətində baxılır və mahiyyəti üzrə qərar qəbul edilir. Müəyyən edilmiş müddət ərzində qərar qəbul edilmədikdə və ya qəbul edilmiş qərarla razılaşmadıqda, şikayətçi məhkəməyə şikayət verə bilər.

Xidmətin həyata keçirilməsində istifadə edilən informasiya sistemləri və ehtiyatları :

Avtomatlaşdırılmış Vergi İnformasiya Sistemi
Hökumət Ödəniş Portalı

Xidmətin həyata keçirilməsində istifadə edilən fərdi məlumatların informasiya sistemləri :

Xidmətin elektronlaşma səviyyəsi :

Qismən elektronlaşdırılıb

Elektron xidmətin avtomatlaşdırılma səviyyəsi :

Qismən avtomatlaşdırılıb

Xidmətin elektron ünvanı :

https://e-services.economy.gov.az/sertifikatlar/keyfForm.aspx

Azərbaycan Respublikasının İqtisadiyyat Nazirliyi

Ünvan:	Bakı şəhəri, Nizami rayonu, Keşlə qəsəbəsi, Heydər Əliyev prospekti 155
Telefon:	(012) 493-88-67
Faks:	(012) 492-58 95
E-poçt:	office@economy.gov.az
Rəsmi internet informasiya ehtiyatının ünvanı:	www.economy.gov.az
VÖEN:	1700012751
Ödəmə rekvizitləri:	Bank rekvizitləri: Dövlət Xəzinədarlıq Agentliyi Bakı şəhər Vergilər Departamenti VÖEN: 1400305751 SWİFT: CTREAZ22 KOD: 210005 Müxbir hesab: 0132033003944 VÖEN (bank) 14011555071 Hesablaşma hesab: 2117131
İş qrafiki və orqan tərəfindən zəruri hesab edilən digər məlumatlar:	Həftənin I-V günləri, saat 9:00-18:00-dək. Fasilə 13:00-14:00-dək.