MÜRACİƏT GÖNDƏR

Təhsildə inkişaf və innovasiyalar üzrə qrantların verilməsi

Dövlət orqanı :

Azərbaycan Respublikasının Təhsil Nazirliyi

Xidmətin məzmunu :

Bu xidmət təhsildə inkişaf və innovasiyalar üzrə qrantların verilməsini əhatə edir.

Xidmətin aid olduğu təsnifat :

Elm və təhsil

Xidməti həyata keçirən dövlət orqanının və (və ya) onun struktur bölməsinin adı :

Azərbaycan Respublikasının Təhsil Nazirliyi

Xidmətin icrasında iştirak edən dövlət orqanının və (və ya) onun struktur bölməsinin adı :

Xidmətin hüquqi əsası :

- "Təhsil haqqında" Azərbaycan Respublikası Qanununun 14.13-cü və 38.7-ci maddələri;

- "Ən yaxşı ümumi təhsil müəssisəsi və ən yaxşı müəllim mükafatlarının təsis edilməsi haqqında" Azərbaycan Respublikası Prezidentinin 2007-ci il 4 sentyabr tarixli 2373 nömrəli Sərəncamının ləğv edilməsi və Azərbaycan Respublikası Prezidentinin 2015-ci il 19 yanvar tarixli 995 nömrəli Sərəncamı ilə təsdiq edilmiş "Azərbaycan Respublikasında təhsilin inkişafı üzrə Dövlət Strategiyası"nın həyata keçirilməsi ilə bağlı Fəaliyyət Planı"nın icrası ilə əlaqədar bəzi məsələlər haqqında" Azərbaycan Respublikası Prezidentinin 2016-cı il 3 avqust tarixli 2255 nömrəli Sərəncamının 3.1-ci bəndi;

- "Təhsildə inkişaf və innovasiyalar üzrə qrantların məbləği və ayrılması şərtləri, o cümlədən vəsaitlərin verilmə prosedurları, monitorinqin aparılması, hesabat və qiymətləndirmə üzrə tələblər"in təsdiq edilməsi haqqında" Azərbaycan Respublikası Nazirlər Kabinetinin 2017-ci il 14 iyun tarixli 258 nömrəli qərarı.

Xidmətin həyata keçirilmə formaları :

Elektron müraciət və nəticənin elektron təqdim edilməsi

Xidmətin həyata keçirilməsi və nəticəsi proseduru barədə məlumatlandırma forması :

E-poçt vasitəsilə məlumatlandırma
KİV-də məlumatın verilməsi
Şəxsi kabinet vasitəsilə məlumatlandırma
Veb sayt vasitəsilə məlumatlandırma

Xidmətin həyata keçirilməsinin nəticəsi :

Qrant müqaviləsi (qərarı)

Xidmət istifadəçisi barədə məlumat :

Xidmətin həyata keçirilməsi müddəti, Dövlət rüsumu, Xidmət haqqı, Ödənişin hüquqi əsası :

Müddət (Məbləğ) :
Ödənişsiz :
Rüsum :	Rüsum yoxdur
Xidmət haqqı :	Müsabiqələrin keçirilmə vaxtı Təhsil Nazirliyi tərəfindən müəyyən edilir və bu barədə Nazirliyin rəsmi internet saytı və digər kütləvi informasiya vasitələri ilə ictimaiyyət məlumatlandırılır.
Ödənişlə bağlı qeyd :
Ödənişin hüquqi əsası :	Xidmət ödənişsiz olaraq həyata keçirilir
Rüsumla bağlı əlavə qeyd :

Xidmətin həyata keçirilməsi üçün müraciətlərin qəbulunun vaxtı və müddəti :

Dövr (Rüb, Ay) :
Dövr (1-ci ay, 2-ci ay, 3-cü ay, 1-ci həftə, 2-ci həftə, 3-cü həftə, 4-cü həftə, tək həftələr, cüt həftələr) :
Günlər :	Real vaxt rejimi
İşin başlama vaxtı :
İşin sona çatma vaxtı :
Fasilənin başlama vaxtı :
Fasilənin sona çatma vaxtı :

Xidmətin göstərilmə yeri :

Elektron qaydada - www.grants.edu.az

Xidmətin həyata keçirilməsinin dayandırılması və ya ondan imtina edilməsinin hüquqi əsasları :

Azərbaycan Respublikası Nazirlər Kabinetinin 2017-ci il 14 iyun tarixli 258 nömrəli qərarı ilə təsdiq edilmiş "Təhsildə inkişaf və innovasiyalar üzrə qrantların məbləği və ayrılması şərtləri, o cümlədən vəsaitlərin verilmə prosedurları, monitorinqin aparılması, hesabat və qiymətləndirmə üzrə tələblər"in 2.7-2.9-cu, 2.11-2.12-ci və 3.7-ci bəndlərinə, habelə 3.3.1-ci və 3.3.2-ci yarımbəndlərinə əsasən xidmətin göstərilməsindən aşağıdakı hallarda imtina edilir:
1. Digər qurumlar tərəfindən tam maliyyələşdirilmiş, icrası davam edən və ya başa çatmış layihələr təqdim edildikdə;
2. Müsabiqə çərçivəsində maliyyələşdirilmiş və icrası başa çatmamış layihələrin resipiyentləri yeni müsabiqədə iştirak etdikdə;
3. Layihələr layihəsinin icrası başa çatmış, lakin icrası ilə bağlı hesabatları yeni müsabiqə çərçivəsində layihələrin qəbulu üçün müəyyən edilmiş son tarixədək Azərbaycan Respublikasının Təhsil Nazirliyinə təqdim etməmiş ümumi təhsil müəssisələri və pedaqoji işçilər tərəfindən təqdim edildikdə;
4. Müsabiqəyə təqdim olunmuş layihə təkliflərinin icra müddəti 3 aydan az, 12 aydan çox olduqda;
5. Siyasi, dini, xeyriyyə fəaliyyətini, xaricdə təhsili, humanitar yardımı və gəlirin artırılmasını nəzərdə tutan layihə təklifləri təqdim edildikdə;
6. Layihə təklifləri və əlavə olunmuş sənədlərin müsabiqənin şərtlərinə uyğun olmadıqda;
7. Layihə təklifləri oxşar olduqda və ya təkrar verildikdə;
8. Layihə təklifləri qiymətləndirmə nəticəsində ümumilikdə 50 baldan aşağı bal topladıqda.

Xidmətin həyata keçirilməsi üçün tələb olunan sənədlər və onların təqdimedilmə forması :

Layihə təklifi
- Elektron formada

Layihənin icrasına cəlb ediləcək əsas əməkdaşların tərcümeyi-halı (CV) və işinin təsviri
- Elektron formada

Birgə layihələr olduğu təqdirdə, birgə fəaliyyətə dair imzalanmış müqavilə
- Elektron formada

Dəstək məktubları (əgər varsa)
- Elektron formada

Layihənin icra planı
- Elektron formada

Layihənin xərclər smetası
- Elektron formada

Ödənilmə üsulları :

Xidmət ödənişsizdir

Xidmətin həyata keçirilməsi üçün inzibati prosedurlar :

Qrantın ayrılması üçün Azərbaycan Respublikasının Təhsil Nazirliyi tərəfindən ildə bir dəfə müsabiqə keçirilir. Qrant müsabiqəsinin keçirilməsi barədə Azərbaycan Respublikasının Təhsil Nazirliyi rəsmi internet saytı və www.grants.edu.az portalı, digər kütləvi informasiya vasitələri ilə ictimaiyyəti məlumatlandırır və müsabiqə ilə bağlı informasiya həmin saytda yerləşdirilir. Qrant müsabiqəsi üzrə mövzular prioritet sahələr nəzərə alınmaqla, Azərbaycan Respublikasının Təhsil Nazirliyi tərəfindən müəyyən edilir. Qrant müsabiqəsi 2 kateqoriya - ümumi təhsil müəssisələri və fərdi layihələr üzrə keçirilir.
Ümumi təhsil müəssisələri kateqoriyası üzrə bir layihə üçün ayrılmış qrant məbləğinin dəyəri 100000 (yüz min) manatdan, fərdi layihələr kateqoriyası üzrə isə 10000 (on min) manatdan çox olmamalıdır.
Ümumi təhsil müəssisələri kateqoriyası üzrə müsabiqədə istənilən dövlət tam orta ümumi təhsil müəssisəsi iştirak edə bilər. İbtidai və orta ümumi təhsil müəssisələri yalnız tam orta ümumi təhsil müəssisələri ilə birgə layihə ilə müraciət edə bilərlər. Fərdi layihələr kateqoriyası üzrə müsabiqədə iştirak üçün mülkiyyət formasından asılı olmayaraq, bütün ümumi təhsil müəssisələrində işləyən pedaqoji işçilər müraciət edə bilərlər. Müsabiqədə iştirak etmək istəyən dövlət ümumi təhsil müəssisələri və mülkiyyət formasından asılı olmayaraq bütün ümumi təhsil müəssisələrində çalışan pedaqoji işçilər müsabiqənin rəsmi internet səhifəsində qeydiyyatdan keçirlər. Müsabiqəyə ümumi təhsil müəssisələri və pedaqoji işçilər tərəfindən yalnız 1 layihə təqdim edilə bilər.
Layihə təklifləri Azərbaycan Respublikasının Təhsil Nazirliyi tərəfindən yaradılan Təşkilat Komitəsi tərəfindən layihələrin təqdim edilməsi üçün müəyyənləşdirilmiş son tarixdən sonra 30 gün ərzində qiymətləndirilir. Müsabiqəyə təqdim olunmuş layihələrin qiymətləndirilməsi texniki ekspertiza və məzmun ekspertizası mərhələlərində həyata keçirilir. Təşkilat Komitəsi tərəfindən yaradılan Ekspert Qrupunun təqdim etdiyi rəy Təşkilat Komitəsində müzakirə olunur və Təşkilat Komitəsinin təqdimatı əsasında Azərbaycan Respublikasının Təhsil Nazirliyi layihələrin maliyyələşdirilməsi barədə qərarlar qəbul edir və nəticələri barədə məlumat Nazirliyin rəsmi internet saytı və digər kütləvi informasiya vasitələri ilə ictimaiyyətə elan olunur.
Qrant alınmasına dair qərar (müqavilə) Azərbaycan Respublikası Nazirlər Kabinetinin 2015-ci il 5 iyun tarixli 216 nömrəli qərarı ilə təsdiq edilmiş "Qrant müqavilələrinin (qərarlarının) qeydə alınması Qaydası"na uyğun olaraq qeydə alınması üçün qeydiyyat orqanına təqdim edilməlidir.
Ümumi təhsil müəssisələri kateqoriyası üzrə maliyyələşdirilməsi barədə qərar qəbul olunmuş layihələrə ayrılacaq qrantlar bağlanılmış qrant müqaviləsi əsasında 3 mərhələdə ödənilir. Birinci mərhələdə vəsaitin 30 faizi, ikinci mərhələdə 40 faizi və layihənin yekun hesabatı təqdim edildikdən sonra isə qalan 30 faizi nağdsız qaydada ödənilir. Fərdi layihələr kateqoriyası üzrə maliyyələşdirilməsi barədə qərar qəbul olunmuş layihələrə ayrılacaq qrantlar mövcud qanunvericiliyə uyğun qaydada bağlanılmış qrant müqaviləsi əsasında 2 mərhələdə ödənilir. Birinci mərhələdə vəsaitin 70 faizi, ikinci mərhələdə isə qalan 30 faizi nağdsız qaydada ödənilir.

Xidmətlərdən istifadə zamanı yaranan mübahisələrin məhkəməyəqədər (məhkəmədənkənar) həlli imkanları barədə məlumatlar :

İstifadəçilər xidmətin göstərilməsindən imtina edilməsindən və ya vəzifəli şəxslərin hərəkətlərindən "İnzibati icraat haqqında" Azərbaycan Respublikası Qanununun 71-72-ci maddələrinə əsasən yuxarı səlahiyyətli orqana inzibati qaydada şikayət verə bilər. Şikayət ərizəsi "İnzibati icraat haqqında” Azərbaycan Respublikasının Qanununun 74-cü maddəsinə uyğun olmalıdır. Şikayətə "İnzibati icraat haqqında” Azərbaycan Respublikasının Qanununun 78-ci maddəsinə əsasən 1 ay müddətində baxılır və mahiyyəti üzrə qərar qəbul edilir
Müsabiqənin keçirilməsi və nəticələri ilə bağlı yaranan mübahisəli məsələlərə baxılması üçün Azərbaycan Respublikasının Təhsil Nazirliyi tərəfindən 3 (üç) nəfər üzvdən ibarət Apelyasiya Komissiyası yaradılır. Apelyasiya Komissiyasının iclasları onun üzvlərinin hamısı iştirak etdikdə baş tutmuş hesab olunur. Apelyasiya Komissiyasının iclaslarında qərarlar açıq səsvermə yolu ilə üzvlərin sadə səs çoxluğu ilə qəbul edilir.
Müəyyən edilmiş müddət ərzində qərar qəbul edilmədikdə və ya qəbul edilmiş qərarla razılaşmadıqda, şikayətçi məhkəməyə şikayət verə bilər.

Xidmətin həyata keçirilməsində istifadə edilən informasiya sistemləri və ehtiyatları :

Ümumi Təhsil Müəssisələrinin İnformasiya Sistemi

Xidmətin həyata keçirilməsində istifadə edilən fərdi məlumatların informasiya sistemləri :

"Giriş-çıxış və qeydiyyat" idarələrarası avtomatlaşdırılmış məlumat-axtarış sistemi

Xidmətin elektronlaşma səviyyəsi :

Tam elektronlaşdırılıb

Elektron xidmətin avtomatlaşdırılma səviyyəsi :

Qismən avtomatlaşdırılıb

Xidmətin elektron ünvanı :

https://grants.edu.az/

Azərbaycan Respublikasının Təhsil Nazirliyi

Ünvan:	AZ- 1008, Azərbaycan Respublikası, Bakı şəhəri, Xətai prospekti, 49
Telefon:	(012) 599-1155
Faks:	(012) 496-3483
E-poçt:	info@edu.gov.az
Rəsmi internet informasiya ehtiyatının ünvanı:	http://www.edu.gov.az
VÖEN:	1500046011
Ödəmə rekvizitləri:	Bakı şəhəri, Xətai prospekti, 49 Azərbaycan Respublikası Təhsil Nazirliyi VÖEN 1500046011 Hesab№ AZ30CTRE00000000000002168501 Dövlət Xəzinədarlıq Agentliyi Kod 210005 m/h AZ41NABZ01360100000000003944 VÖEN : 1401555071 S.W.I.F.T Bik. CTREAZ22
İş qrafiki və orqan tərəfindən zəruri hesab edilən digər məlumatlar:	Təhsil Nazirliyinin Telefon Məlumat Mərkəzi ("Qaynar xətt” xidməti) - Telefon: 146 - 1 Təhsil Nazirliyinin Kommutator xidməti - Telefonlar: (+99412) 599-11-55 İş vaxtı: I-V günlər, saat: 9:00-dan 18:00-dək Fasilə 13:00-14:00-dək.