MÜRACİƏT GÖNDƏR

Gəmiyə mülkiyyət və digər əşya hüququ haqqında şəhadətnamənin verilməsi

Dövlət orqanı :

Azərbaycan Respublikası Rəqəmsal İnkişaf və Nəqliyyat Nazirliyi

Xidmətin məzmunu :

Azərbaycan Respublikasının Ticarət Gəmiçiliyi Məcəlləsinin, həmçinin Azərbaycan Respublikası Nazirlər Kabinetinin 4 iyun 2010-cu il tarixli, 105 nömrəli qərarı ilə təsdiq edilmiş "Azərbaycan Respublikasında gəmilərin dövlət qeydiyyatına alınması Qaydaları"nın tələblərinə uyğun olaraq hüquqi və fiziki şəxslərin gəmiyə mülkiyyət və digər əşya hüququ haqqında şəhadətnamənin verilməsi

Xidmətin aid olduğu təsnifat :

Nəqliyyat və yol təsərrüfatı

Xidməti həyata keçirən dövlət orqanının və (və ya) onun struktur bölməsinin adı :

Azərbaycan Respublikası Nəqliyyat, Rabitə və Yüksək Texnologiyalar Nazirliyi yanında Dövlət Dəniz Agentliyi

Xidmətin icrasında iştirak edən dövlət orqanının və (və ya) onun struktur bölməsinin adı :

Xidmətin hüquqi əsası :

- Azərbaycan Respublikasının Ticarət Gəmiçiliyi Məcəlləsinin 6-1.1.3-cü, 7-ci, 18.1.2-ci və 22-ci maddələri;
- Azərbaycan Respublikası Nazirlər Kabinetinin 4 iyun 2010-cu il tarixli, 105 nömrəli Qərarı ilə təsdiq edilmiş "Azərbaycan Respublikasında gəmilərin dövlət qeydiyyatına alınması Qaydaları"nın 2.9-cu bəndi.

Xidmətin həyata keçirilmə formaları :

Elektron müraciət və nəticənin ənənəvi məlumat daşıyıcısında təqdim olunması
Xidmət yerinə gəlməklə müraciət və nəticənin kağız daşıyıcısında təqdim olunması

Xidmətin həyata keçirilməsi və nəticəsi proseduru barədə məlumatlandırma forması :

E-poçt vasitəsilə məlumatlandırma
Telefon vasitəsilə məlumatlandırma

Xidmətin həyata keçirilməsinin nəticəsi :

"Gəmiyə mülkiyyət hüququ haqqında şəhadətnamə"nin verilməsi

Xidmət istifadəçisi barədə məlumat :

Xidmətin həyata keçirilməsi müddəti, Dövlət rüsumu, Xidmət haqqı, Ödənişin hüquqi əsası :

Müddət (Məbləğ) :	5 iş günü
Ödənişsiz :
Rüsum :	50 AZN
Xidmət haqqı :	Xidmət haqqı yoxdur
Ödənişlə bağlı qeyd :
Ödənişin hüquqi əsası :	"Dövlət rüsumu haqqında" Azərbaycan Respublikası Qanununun 28.3-cü maddəsi
Rüsumla bağlı əlavə qeyd :

Xidmətin həyata keçirilməsi üçün müraciətlərin qəbulunun vaxtı və müddəti :

Dövr (Rüb, Ay) :
Dövr (1-ci ay, 2-ci ay, 3-cü ay, 1-ci həftə, 2-ci həftə, 3-cü həftə, 4-cü həftə, tək həftələr, cüt həftələr) :
Günlər :	Həftənin 1-5-ci günləri
İşin başlama vaxtı :	09:00:00
İşin sona çatma vaxtı :	18:00:00
Fasilənin başlama vaxtı :	13:00:00
Fasilənin sona çatma vaxtı :	14:00:00

Xidmətin göstərilmə yeri :

Azərbaycan Respublikasının Nəqliyyat, Rabitə və Yüksək Texnologiyalar Nazirliyi yanında Dövlət Dəniz Agentliyinin inzibati binası

Xidmətin həyata keçirilməsinin dayandırılması və ya ondan imtina edilməsinin hüquqi əsasları :

Şəhadətnamənin verilməsi üçün təqdim olunan sənədlərdə çatışmazlıqlar aşkar edildikdə sorğunun yerinə yetirilməsindən imtina edilir və imtinanın səbəbləri göstərilməklə 5 (beş) iş günü müddətində istifadəçinin poçt ünvanına bildiriş göndərilir.

Xidmətin həyata keçirilməsi üçün tələb olunan sənədlər və onların təqdimedilmə forması :

Azərbaycan Respublikasının ərazisində əcnəbinin və ya vətəndaşlığı olmayan şəxsin şəxsiyyətini təsdiq edən sənəd
- Sənədin əsli və ya surəti

Gəminin BDT (İMO) nömrəsinin alınmasına dair sənəd
- Sənədin surəti (kağız formada)

Azərbaycan Respublikası vətəndaşının şəxsiyyət vəsiqəsi
- Sənədin əsli və ya surəti

Çağırış siqnalının alınmasını təsdiq edən sənəd
- Sənədin surəti (kağız formada)

Gəminin üzgüçülüyə yararlılığı haqqında şəhadətnamə
- Sənədin notariat qaydasında təsdiq edilmiş surəti

dövlət rüsumunun ödənilməsini təsdiq edən sənəd
- Sənədin surəti (kağız formada)

Xarici dövlətlərin dövlət gəmi reyestrindən çıxarılmasını təsdiq edən sənəd
- Sənədin əsli və ya surəti

Hüquqi şəxsin dövlət qeydiyyatını təsdiq edən sənədlər
- Sənədin notariat qaydasında təsdiq edilmiş surəti

Gəmi radiostansiyasının fəaliyyəti üçün xüsusi icazə
- Sənədin surəti (kağız formada)

Gəminin istismara yararlı olmasına və dəniz nəqliyyatı sahəsində mövcud beynəlxalq konvensiyaların tələblərinə uyğunluğunun yoxlanılmasına dair akt
- Sənədin əsli və ya surəti

Gəminin mülkiyyətçiləri və ya onun üzərində digər əşya hüquqlarına malik olan şəxslər tərəfindən doldurulmuş ərizə-anket
- Sənədin əsli və ya surəti

Gəminin təsnifat şəhadətnaməsi
- Sənədin notariat qaydasında təsdiq edilmiş surəti

Ölçü şəhadətnaməsi
- Sənədin notariat qaydasında təsdiq edilmiş surəti

Azərbaycan Respublikasının qanunvericiliyi ilə müəyyən edilmiş qaydada gəmiyə mülkiyyət hüququnu təsdiq edən sənəd
- Sənədin əsli və ya surəti

Azərbaycan Respublikasının qanunvericiliyi ilə müəyyən edilmiş qaydada gəmiyə digər əşya hüquqlarını təsdiq edən müvafiq sənəd
- Sənədin əsli və ya surəti

Azərbaycan Respublikasının qanunvericiliyi ilə müəyyən edilmiş qaydada gəmiyə mülkiyyət hüququnu və gəmiyə digər əşya hüquqlarını təsdiq edən məhkəmənin qərarı
- Sənədin əsli və ya surəti

Ödənilmə üsulları :

Bank vasitəsi ilə
Onlayn ödəmə

Xidmətin həyata keçirilməsi üçün inzibati prosedurlar :

- İstifadəçinin bu xidmətlə bağlı müraciəti Dövlət Dəniz Agentliyə daxil olduğu tarixdə qeydə alınır və bu barədə dərhal istifadəçiyə məlumat verilir.
- Sorğu qəbul edildikdən sonra Azərbaycan Respublikası Prezidentinin 2003-cü il 27 sentyabr tarixli 935 nömrəli Fərmanı ilə təsdiq edilmiş "Dövlət orqanlarında, dövlət mülkiyyətində olan və paylarının (səhmlərinin) nəzarət zərfi dövlətə məxsus olan hüquqi şəxslərdə və büdcə təşkilatlarında kargüzarlığın aparılmasına dair Təlimat"a uyğun olaraq qeydiyyata alınır və məsul şöbəyə icra edilməsi üçün göndərilir.
- Məsul şöbədə sorğuya və ona əlavə edilən sənədlərə baxılır və təqdim edilmiş sənədlərdə çatışmazlıqlar aşkar edildikdə, bu barədə ərizəçiyə 5 (beş) iş günündən gec olmayaraq məlumat verilir. Onlar aradan qaldırıldıqdan və sənədlər təkrar təqdim edildikdən sonra onlara 5 (beş) iş günü müddətində baxılır və müvafiq qərar qəbul edilir.
- Çatışmazlıqlar və ya imtina üçün əsas olmadıqda, 5 (beş) iş günündən gec olmayaraq şəhadətnamənin verilməsi haqqında qərar qəbul edilir. Şəhadətnamənin verilməsindən imtina edilmədikdə, ərizəçi şəhadətnamənin verilməsinə görə dövlət rüsumunun ödənildiyini təsdiq edən sənəd təqdim edir. Bundan sonra şəhadətnamənin blankı rəsmiləşdirilərək istifadəçiyə birbaşa təqdim olunur.

Xidmətlərdən istifadə zamanı yaranan mübahisələrin məhkəməyəqədər (məhkəmədənkənar) həlli imkanları barədə məlumatlar :

İstifadəçi göstərilən xidmətlə bağlı onu razı salmayan istənilən məsələ barədə inzibati qaydada şikayət edə bilər. Şikayət kağız üzərində və ya elektron qaydada tərtib olunur. Şikayət Agentliyin poçt ünvanınagöndərilir. Şikayət ərizəsi "İnzibati icraat haqqında” Azərbaycan Respublikası Qanununun 74-cü maddəsinə uyğun olmalıdır. Şikayətə "İnzibati icraat haqqında” Azərbaycan Respublikası Qanununun 78.1-ci maddəsində müəyyən olunmuş qaydada 1 ay müddətində baxılır.

Xidmətin həyata keçirilməsində istifadə edilən informasiya sistemləri və ehtiyatları :

Azərbaycan Respublikasının Dövlət Gəmi və Berbout-çarter Reyestri

Xidmətin həyata keçirilməsində istifadə edilən fərdi məlumatların informasiya sistemləri :

Xidmətin elektronlaşma səviyyəsi :

Qismən elektronlaşdırılıb

Elektron xidmətin avtomatlaşdırılma səviyyəsi :

Qismən avtomatlaşdırılıb

Xidmətin elektron ünvanı :

https://www.e-gov.az/az/services/read/2158

Azərbaycan Respublikası Rəqəmsal İnkişaf və Nəqliyyat Nazirliyi

Ünvan:	AZ 1000, Bakı şəhəri, Zərifə Əliyeva küçəsi, 33
Telefon:	(994) 498-5838
Faks:	(994) 498-7912
E-poçt:	mincom@mincom.gov.az
Rəsmi internet informasiya ehtiyatının ünvanı:	http://www.mincom.gov.az/
VÖEN:	9900033991
Ödəmə rekvizitləri:	B1. Benifisiar (alan) bank Adı: Dövlət Xəzinədarlıq Agentliyi (DXA) Kodu: 210005 VÖEN: 1401555071 Müxbir hesab: AZ41NABZ01360100000000003944 S.W.I.F.T. BIK:CTREAZ22 B2. Alan təşkilat Adı: Rabitə və İnformasiya Texnologiyaları Nazirliyi Hesab №: AZ59CTRE00000000000002158570 VÖEN: 9900033991 D3. Büdcə təşkilatının kodu 142340 D4. Büdcə səviyyəsinin kodu 7
İş qrafiki və orqan tərəfindən zəruri hesab edilən digər məlumatlar:	Qaynar xətt - 1655